– Ikkje råka av Altinn-problema

– Bekymringsmeldingar og anna post til barnevernet i Bjørnafjorden kjem fram.

Det skriv Bjørnafjorden kommune på nettsida si.

Kommunen er med andre ord ikkje råka av problema ein har høyrt om i Bergen, og andre stader i landet, om at meldingar frå politiet til barneverntenesta i Altinn ikkje kjem fram.

– Grunnlaget for dette er at lokalt politi leverer meldingar til barneverntenesta på anna måte, og at dokumentsenteret har oversikt og kontroll på alle meldingar som kjem inn i Altinn, til dømes frå Vest Politidistrikt. Desse blir lasta ned og sendt til barneverntenesta fortløpande, opplyser kommunen.

Slik handterer kommunen post fra Altinn: «Vi mottar ein e-post til post@bjornafjorden.kommune.no der det er beskjed om at det ligg ei forsending frå til dømes Vest Politidistrikt. Vi loggar oss inn i Altinn, lastar ned meldinga, og overfører han til fagsystemet, til dømes Visma Familia. Vi slettar det vi har lasta ned lokalt, og tømmer «bosskorga». Deretter oversender avdelinga, til dømes barnevernet, til aktuell sakshandsamar i sitt fagsystem», opplyser kommunen på nettsida si.