Her har du ikkje lov til å gå i land
Det er ikkje alle holmane og skjera i Os ein har lov til å gå i land på – eller koma nærmare enn 50 meter.
Os kommune har lagt ut ei sak med ei påminning om at ein må visa respekt for naturreservata når ein er på sjøen.
– Det er freistande å gå i land på ein av dei mange holmane og skjera når ein ferdast på sjøen. Før ein går i land må ein hugsa å sjå etter skilt for naturreservat. Fleire holmar og skjer i Os kommune er verna. Her er det forbod mot ferdsel nærare enn 50 meter, og mot å gå i land av omsyn til fugle- og dyreliv, skriv kommunen.
Artikkelen held fram under annonsen.
Gjeld desse holmane
Forbodet mot ilandstiging og ferdsel på verna holmar og skjer i ei sone ut til 50 meter frå land, startar 15. april og varer til og med 31. juli. Dette grunna hekketida. Alle naturreservata er merka med skilting.
I Os kommune er det fem naturreservat der ein ikkje kan gå i land.
– Desse er Raudholmane, Sandholmane, Perholmen, Kubbholmen og dei små øyene Vågsholmen, Gulaskjer, Brattholmen og Grasholmen, opplyser Os kommune på heimesida.
I saka har dei også lagt ved eit kart, som syner desse holmane.
