Heider og medalje til Edel Margrethe
Edel Margrethe Andersen har fått Norges Vel sin medalje for lang og tru teneste etter meir enn 30 år som tilsett i Fusa kommune.
Utdelinga fann stad under eit samkome på Baldersheim helsetun.
Ordførar Atle Kvåle og tenesteleiar Jorunn Gjøen sa i samband med overrekkinga av medaljen at Edel har vore ein god og lojal kollega som alle har sett stor pris på.
Artikkelen held fram under annonsen.
- Gjennom arbeidet sitt i heimetenestene har ho skapt ein trygg og god kvardag for brukarane ho har besøkt, skrytte ordførar og tenesteleiar.
Fusa kommune ønskjer henne alt godt vidare i ein ny kvardag som pensjonist, heiter det i ei pressmelding frå kommunen.
jostein@osogfusa.no
