Har starta leiteaksjon etter kvinne i 60-åra

Politiet vart tysdag morgon orientert om at ei kvinne i 60-åra var borte frå bustaden sin.

Per no er politiet i område kring Varåsen med tre patruljar, deriblant hundepatrulje. Drone er også tilgjengeleg, opplyser politiet på X.

Mannskap frå frivillige organisasjonar er kalla ut.

Kvinna er 178-180 cm høg, tynn med mørkt skulderlangt hår.

– Går truleg i støvlettar og skjørt (siste noko usikkert). Eventuelle tips og observasjonar kan meldast til politiet på telefon 02800/112, opplyser dei på X.