Har starta 17. mai-planlegginga. Dette må på plass først
Ein 17. mai-komité skal stå for feiringa på Osøyro i 2023.
Kommunestyret i Bjørnafjorden har vedteke at ein skal freista å oppretta ein 17. mai-komité som skal planleggja og arrangera feiringa på Osøyro i 2023.
Kommunestyret valde to representantar frå politisk miljø, Tore Kleppe og varaordførar-vikar Harald Lekven.
Artikkelen held fram under annonsen.
– Andre representantar ynskjer ein å få med frå folk, eldsjeler, lag og organisasjonar i krinsen, fortel Lekven.
Dette er det første som må plass.
Sidan vil ein konstituera ein 17. mai-komité som skal planleggja og stå for framdrift og gjennomføring av arrangementet.
Lekven opplyser at kommunen ved kultureininga vil støtta 17. mai-komiteen «med si røynsle og økonomisk etter søknad».
Varaordføraren oppmodar samstundes dei som er interesserte i å bidra, til å ta kontakt.
– Det vert kalla inn til konstitueringsmøte så snart me har oversikt over kven som ynskjer å ta del, legg Lekven til.
Fram til kontitueringsmøtet, vil Tor Kleppe og Harald Lekven, med støtte frå kultureininga ved Erik Vangsnes, ha hand om framdrifta.
