Gjekk samrøystes inn for å løyva 25.000
Røde Kors-båten er moden for utskifting.
Os Røde Kors er saman med tre andre Røde Kors-foreiningar engasjert i Røde Kors-båten i Hordaland. Båten er no 15 år og syng på siste verset.
– Vi har mesteparten av finansieringa på plass til ein ny, men treng hjelp frå næringslivet, kommunen, lag og organisasjonar for å koma heilt i mål, opplyste Kristian Strønen i Røde Kors tidlegare i vinter.
Artikkelen held fram under annonsen.
Hordaland har, ifølgje Strønen, flest registrerte fritidsbåtar i landet – og dessverre også flest drukningsulukker.
– Det er difor nødvendig at Røde Kors har høg kompetanse på sjø- og strandredning og aktivitetar rundt førebyggjande arbeid, konstaterer Strønen.
Ein ny båt kostar ca. 8,5 millionar kroner. Hordaland Røde Kors har sett av 5,2 millionar kroner.
I førre veke vedtok eit samrøystes formannskap å løyva 25.000 kroner - 1 kr per innbyggjar - til føremålet.
