Førarkortbeslag og bøter etter laserkontroll
Utrykkingspolitiet hadde kontroll på Ulvenvegen ved Spar tysdag formiddag.
Utrykkingspolitiet (UP) skal ha vore på staden vel ein time, frå klokka 12 tysdag formiddag.
— Dette var i 50-sona. Kontrollen resulterte i seks forenkla førelegg for fart, eit førarkortbeslag og eit forenkla førelegg for mobilbruk, opplyser lensmann Oddbjørn Dyrdal.
Artikkelen held fram under annonsen.
Bilisten som blei fråteken førarkortet, skal ha køyrd i 83 km/t i 50-sona.
Bjørnafjorden politistasjon sin patrulje stoppa også ein i trafikken tysdag.
— Etter gjennomsnittsmåling, blei ein førar på ein lettmotorsykkel stoppa på Lepsøyvegen. Føraren var under 18 år, og blei målt til 67 km/t i 50-sona, seier Dyrdal.
