Fem nye smittetilfelle i helga. Mange har teke oppmodinga om å testa seg

Til saman fem personar i Bjørnafjorden fekk påvist covid-19 i helga.

Dei fem er:

Mann i 40-åra. Smitta i utlandet.

Kvinne i 40-åra. Smitta i utlandet.

Kvinne i 40-åra. I familie med tidlegare påvist smittetilfelle.

To tenåringar. Ukjend smitteveg.

Det opplyser kommunen på sine heimesider måndag.

– Ingen av smittetilfella i helga har bekrefta samband med ungdomsfestane i Os sist veke, seier vikarierande kommuneoverlege Bjørn Petter Aasheim Johannesen til nettsida.

Aasheim Johannesen konstaterer også at mange har teke oppmodinga om å testa seg før skulestart.

– Det er flott at folk tar ansvar og testar seg, slik at vi kan stoppe smitten i å spreia seg vidare, seier Aasheim Johannesen.