Fekk påvist covid-19 på sjukehuset: Har sete i karantene i kommunen i forkant
Bjørnafjorden kommune melder på heimesida si at ei kvinne i 50-åra har testa positivt for covid-19 etter ein utanlandstur.
— Det er ingen andre nærkontaktar i Bjørnafjorden kommune, opplyser assisterande kommuneoverlege Jonas Nordvik Dale.
Den smitta er busett i ein annan kommune, men har vore i karantene i Bjørnafjorden kommune etter utanlandsreisa, saman med ein person i reisefølgjet sitt. Denne personen har testa negativt for covid-19.
Artikkelen held fram under annonsen.
Kvinna blei innlagt på Haukeland universitetssjukehus etter vurdering av koronalegevakta i Bjørnafjorden kommune i går, 5. november. Smitten blei påvist på sjukehuset. Ho er utskriven i dag, og reiser tilbake til bustadkommunen sin. Her vil ho vere isolert til ho testar negativt for koronavirus.
