Erkjenner straffskuld etter kollisjon
Tre bilar var involverte i ulukka. To av dei skal ha stått i ro.
Det var klokka kvart over fire torsdag ettermiddag et ei trafikkulukke oppstod ved avkøyrselen til Plantasjen. Det melder politioverbetjent Anne Lyssand ved Bjørnafjorden politistasjon.
Fire personar var involverte i ulukka. Dei sat i tre bilar.
Artikkelen held fram under annonsen.
— To bilar stod stille, den tredje køyrde på bakfrå. Ingen personar blei fastklemte, og det blei utløyst airbag i éin bil. Ein person blei køyrd til Haukeland Univsersitetssjukehus med klage på smerter i rygg og nakke, opplyser Lyssand.
Ho legg til at det ikkje er mistanke om promille.
— Føraren i den bakarste bilen erkjente straffeskuld. Det var ein mann i 20-åra.
Ei kvinne i 60-åra blei køyrd til Haukeland.
