Er du Os´ beste FIFA-spelar?
I dag opna påmeldinga til FIFA-turneringa på Elkjøp. I morgon skal dei første 16 som meldar seg på, tevla om ein plass i finalen.
Elkjøp og Lefdal går saman for å skapa litt ekstra blest om FIFA 16, som kom ut for kort tid sidan. Alle deira butikkar i bergensregionen skal arrangera delfinaler, for å kåra finalistar til den store finalen på Gullgruven laurdag.
God-stolar og 85 tommar TV
Delfinalen på Elkjøp Os går av stabelen i morgon ettermiddag.
Artikkelen held fram under annonsen.
- Det er 16 kvalifiseringsplassar, men det er råd å stå på reserveliste om nokon på lista skulle trekkja seg, seier Bjarte Johannessen.
Han fortel vidare at dei vil rigga til med to god-stoler framfor ein 85 tommars TV, for å laga verdige rammer kring hendinga i butikken.
- Sjølv om me er midt i ei ombyggingsperiode, vil me laga litt rom for publikum også, seier han.
Det er ikkje berre snakk om heider og ære til vinnaren, sjølv om det er prestisje som er det viktigaste i FIFA. Elkjøp og Lefdal reklamerer med fine premiar til topp-tre.
- Kven liker ikkje FIFA?
Då Os og Fusaposten snakka med Johannessen tidlegare i dag, var det berre ein som hadde meldt seg på. Med andre ord er det framleis råd å få meldt seg på. Det er kanskje ikkje så lurt å venta for lenge, for som Johannessen seier:
- Kven liker ikkje FIFA?
- Dei som vil vera, med kan melda sin interesse i kassen på butikken, seier han.
