Endeleg par i hjerter
Os og Fusa kommune bekreftar forholdet på Facebook.
I dag kom endeleg den offisielle stadfestinga på det vi alle har visst. Nemleg at Os og Fusa kommune er i eit forhold.
I alle fall lyder teksten på begge kommunane sine Facebook-sider: «In a relationship».
Artikkelen held fram under annonsen.
Os har alt fått mange tomlar opp og smilefjes og så langt berre eit sinnafjes. I Fusa er responsen litt tregare - med berre to tomlar opp - men dette må tilskrivast eit noko lågare folketal.
Ettersom begge meldingane vart lagt ut for få minutt sidan, tyder det på at offentleggjeringa var ei felles avgjerd.
Os & Fusaposten gratulerer og ynskjer kommunane lykke til med samlivet.
anne-marie@osogfusa.no
