Elevar i karantene etter påvist smitte på Os ungdomsskule
Dei øvrige elevane i klassen får utdelt hurtigtestar.
To personar fekk påvist covid-19 i helga. Det opplyser kommunen måndag.
Det eine tilfellet er ei kvinne i 30-åra. Her er smittevegen ukjend.
Artikkelen held fram under annonsen.
Det andre tilfellet er ein elev på 10. trinn ved Os ungdomsskule. Her er smittevegen kjend.
– Nokre elevar er sette i karantene. Dei øvrige elevane i klassen får utdelt hurtigtestar som dei skal ta heime med nokre dagars mellomrom. Testane er i staden for karantene, opplyser kommuneoverlege Klaus Melf.
Dette er i samsvar med dei nye, nasjonale reglane for unntak av karantene for personar under 18 år.
– Dersom ein elev får luftvegssymptom - blir forkjøla, har sår hals, blir hås eller liknande - skal han eller ho ikkje gå på skulen, men gå i karantene og bestilla vanleg test på teststasjonen. Uvaksinerte husstandsmedlemer skal i slike tilfelle gå i ventekarantene til prøvesvaret er klart, understrekar Melf.
