Éi muntleg åtvaring etter kontroll av båttrafikken
Laurdag kveld kontrollerte politibåten båttrafikken i området Osøyro, Øyane, Hagavik og Vedholmen.
Kontrollen enda med ei muntleg åtvaring, skriv Bjørnafjorden og Austevoll lensmannsdistrikt i ein e-post til avisa.
Vidare vert det opplyst om at det har vore ganske få hendingar å melda frå om det siste døgeret:
Artikkelen held fram under annonsen.
• Laurdag klokka 11 vart det meldt om at ein mann mogelegvis dreiv ulovleg jakt ved Gåsakilen.
• Natt til søndag, klokka 00.30, fekk politiet melding om fest/bråk frå ei adresse på Haugland.
– Det var roleg på staden då politiet kom. Festen vart avslutta, skriv politiet.
• Søndag morgon, klokka 04.30, vart ei kvinne i 20-åra stogga av politiet, mistenkt for å ha køyrt bil i påverka tilstand heim frå ein fest på Halhjem.
– Førarkortet er mellombels inndrege, og kvinna vert meldt for forholdet.
