– Dette er den tredje meldinga denne månaden om slike tjuveri
Bed lastebil-eigarar vera merksame.
Politiet fekk tysdag inn nok ei melding om tjuveri av ei styringseining for lys frå ein Volvo lastebil. Denne gongen frå området Ulvenparken.
– Dette er tredje meldinga i september om slike tjuveri, opplyser innsatsleiar Atle Birkeland.
Artikkelen held fram under annonsen.
Politiet oppmodar innehavarar av slike køyretøy om å vera merksame og bed dei sikra bilane så godt det lèt seg gjera.
Politiet bed også publikum ha låg terskel for å ringja politiet dersom dei observerer uvanleg aktivitet rundt slike køyretøy og på næringsområde generelt.
