Det fyrste store snøfallet: — Kom som julekvelden på gubben. I år også.

— Det snør, er den enkle konklusjonen hos vakthavande hos Vegtrafikksentralen.

Årets fyrste, store snøfall fører som vanleg til glatte vegar, saktegåande trafikk og klager på for dårleg brøyta vegar.

— Hovudvegane er ganske bra per no, medan side- og fylkesvegar har vore litt utfordrande. Men det byrjar å dra seg til no, seier vakthavande hos Vegtrafikksentralen.

Når Os & Fusaposten er på tråden i halv-ni-tida, skal det vera få trafikale utfordringar for Bjørnafjorden sin del.

— Men det snør. Og det kom som julekvelden på gubben. I år også, konkluderer han.