Born slepp karantene ved smitte i barnehage eller skule

Barn slepp karantene når dei er nærkontakt til andre enn dei bur med. Dermed treng dei ikkje gå i karantene ved smitte i skule eller barnehage.

Regjeringa har oppdatert pressemeldinga som vart send ut måndag, med ei rekkje unntak frå smittekarantene, skriv Bergens Tidende.

No slepp mellom anna barn karantene ved smitte i klassen, står det i meldinga.

Dette inneber at det blir gitt unntak for barn for karantene ved nærkontaktar med ein smitta som dei ikkje bur saman med eller er tilsvarande nær.

Dei blir likevel tilrådde å teste seg.

«Det betyr at barn under 18 år berre skal i smittekarantene dersom de er husstandsmedlem eller tilsvarande nær som er smitta. Dei kan testa seg ut med PCR på dag 7, slik som vaksne» skriv regjeringa.

I tillegg gjeld ikkje smittekarantene for følgjande personar:

* Dei som har gjennomgått korona dei siste tre månadene med varigheit frå avisolering til tre månader etter prøvedato.

* Dei som har fått oppfriskingsdose for minimum éi veke sidan. Husstandsmedlemer og tilsvarande nære til den smitta må i tillegg testast dagleg med anten hurtigtest eller annankvar dag med PCR-test i sju døgn etter nærkontakten