Blind vald og ring på spring
Gutestrekar på Nore Neset nattestid og vald i Os sentrum, er noko av det politiet har i sin lensmannslogg for siste døgn.
Rundt klokka 1.30 i natt fekk politiet to separate meldingar om at nokon har hatt «ring på, spring» i Skeisleira på Nore Neset.
– Politiet hadde ikkje kapasitet til å følgja det opp, seier operasjonsleiar Kjersti Eidsnes.
Artikkelen held fram under annonsen.
Fekk bank av ukjende menn
Rundt klokka 3.50 rykte politiet ut til Esso-stasjonen etter rapportar om slagsmål.
– Ein mann blei slått og dytta ned i bakken av fleire menn. Den fornærma kjende ikkje desse personane, seier Eidsnes.
Den fornærma vurderer å anmelda forholdet.
Elles viste politiet bort ein kverulant frå Catten i Os sentrum, og gjennomførte ein resultatlaus alkometertest.
