Båttur i skjergarden i Os

Bebuarar frå Luranetunet fekk ein flott tur i skjergarden kring Os i førre veke - mykje takk vere Søre Øyane Sanitetsforening.

Onsdag 12. august var ei stor gruppe bebuarar frå Luranetunet, saman med andre eldre i Os på båttur. Det var svært positivt at mange pårørande også var med.

Katamaranen «Rødnekatt» tok dei med på sightseeing i fint båttvêr rundt i skjergarden i Os.

Turen kom til etter at Søre Øyane Sanitetsforening ville gje ei gåve til dei eldre ved Luranetunet. Representantar frå foreininga vart difor også invitert med på turen.

I tillegg til Søre Øyane Sanitetsforeining, var kultureininga, Os frivilligsentral, Os folkeakademi og Luranetunet med på å få dette til.

Det var ein kjekk tur som freista til gjentaking. Luranetunet takkar særskild Søre Øyane Sanitetsforeining for gåva som gjorde det mogeleg å få til denne turen.

Tone S Borgen

Luranetunet