Arbeidsulukke i Endelausmarka
Eit stillas har ramla over ein mann på veganlegget i Endelausmarka.
Kl 10.37 kom meldinga. Os brannvesen rykte ut til ulukkesstaden i lag med dei andre nødetatane. Politiet melder om at eit stillas skal ha rast saman over ein person.
- Mannen har pådratt seg klemskadar i beina, opplyser Tatiana Knappen, operasjonsleiar i Vest politidistrikt.
Artikkelen held fram under annonsen.
Kai Wigum ved 110-sentralen i Hordaland fortel til BA at mannen kom seg laus for eiga maskin, men at han var forslått.
Kl. 11.22 melder brannvesenet om at mannen er køyrt til legevakt.
