Alarmtest klokka 12.00
Over heile landet er det varslingsanlegg med sirener som skal varsla folket ved akutt fare. Signala vert testa to gonger i året. I dag skjer det klokka 12.00.
Det finst om lag 1.250 varslingsanlegg i Noreg. Dei fleste ligg i byer og tettstader. Normalt vil signala bli høyrt av over halvparten av landets innbyggjarar.
To dagar i året vert anlegget testa - andre onsdagen i januar (altså i dag) og den andre onsdagen i juni.
Artikkelen held fram under annonsen.
«Viktig melding»
Signalet som vert testa i dag symboliserer «Viktig melding, søk informasjon». Signalet vert sendt ut i tre seriar med eitt minutts opphald mellom seriane.
Sivilforsvaret har ansvaret for drifta av dei 1.250 varslingsanlegga som er plassert rundt i landet, og som skal varsla folket ved akutt fare.
