Det må vera mogeleg å finna andre postar der ein kan kutta, utan slike dramatiske konsekvensar
Dette er tenester som i høgste grad er fyrstelinjetenester og som har sterk førebyggande effekt.
Prosjektet Bjørnafjorden 22 handlar om å redusera kostnader, omstilling og endring. Det har vi full forståing for. Vi vert likevel sterkt uroa når det blir føreslått å fjerna fleire livsviktige og lovpålagte tenester (jamfør Kommunehelselova) innan helsefremming og rehabilitering.
Dette er etter vårt syn også sterkt i strid med kommunen sitt eige strategidokument som seier at vi skal satsa på førebyggjande arbeid og tidleg innsats.
Artikkelen held fram under annonsen.
Budsjettforslaget for 2021 legg opp til å fjerna følgjande stillingar innan områda «Helsefremming og rehabilitering»:
•Fjerna stillinga tryggleikssjukepleiar
•Kutta i diagnosespesifikke stillingar: Kreftteam, kolsteam, diabetesteam
•Fjerna stillinga kreftkoordinator
Dette er tenester som i høgste grad er fyrstelinjetenester og som har sterk førebyggande effekt, og som gjev nærleik og tryggleik til både brukarar og pårørande.
Den kortsiktige økonomiske gevinsten ved å redusera satsing på førebygging, tidleg oppdaging av funksjonsnedsetjing og å fjerna tverrfaglege tilbod til sårbare grupper, vil heller føre til auka kostnader for kommunen på lengre sikt, og vil påføra sårbare grupper auka lidingar og redusert livskvalitet.
Det må vera mogleg å finna andre postar i budsjettet der ein kan kutta, utan at det får slike dramatiske konsekvensar for ei av kommunen sine kjerneoppgåver. Vi vert ein fattig kommune om desse kutta i helsefremming og rehabilitering vert vedtekne.
Anne Frotveit
Artikkelen held fram under annonsen.
Astrid Leikvoll
Bjørn Sivertsen
Eivind Moberg
Elsie Krey Solnes Grotle
Marianne Hjelle
Ove R. Nielsen
Bjørnafjorden eldreråd
