Vann internasjonal musikkpris
Under morgonsendinga på NRK Hordaland i dag vann Aurora Aksnes den internasjonale musikkprisen «European Border Breakers Award».
Osingen stilte uvitande til intervju i NRK Hordaland. Då ho kom i studio på Minde venta EBBA-prisen på 18-åringen, skriver Bergensavisen.
EBBA-prisen vert delt ut til ti europeiske musikarar kvart år.
Artikkelen held fram under annonsen.
Seansen vart filma
Prismottakinga på NRK vart filma av eit nederlandsk kamerateam.
- Denne prisen er ein døropnar for unge musikarar i ein bransje der CD- og platesalet går nedover. Artistane treng å tenkja nytt, ved å reisa oftare og spela meir live, sa nederlandske Jan Douwe Kroeske til BA like etter overrekkinga.
Aurora inngår i eit celebert selskap som mottakar av EBBA-prisen. Tidlegare har kjende namn som Adele, Stromae, Gabriel Rios, Hozier og Mumford & Sons motteke prisen.
