Suzanne Vega til Osfest
Fredag 5. august står kvinna bak klassikaren «Luka», Suzanne Vega (56), på scenen under Osfest.
- Osfest er stolte av å presentera Suzanne Vega på årets festival. Vega kjem til å rocka scena fredag 5. august, og er muligens den kulaste dama i showbiz, seier festivalleiinga i ei pressemelding.
Amerikanske Vega slo gjennom i 1985 med «Luka», som stadig blir hyppig spelt på radio. Med sine sterke tekstar, gitar og nedtona stil bana ho veg for andre kvinnelege singer-songwriters som mellom anna Tanita Tikaram og Tracy Chapman.
Artikkelen held fram under annonsen.
I tillegg til «Luka», har du gjerne høyrt «Tom´s Diner». Opphavleg ein a capella låt som fekk ein ny vår med britiske DNAs remiks.
Vegas siste album «Tales from the Realm of the Queen of Pentacles» kom i 2014.
Suzanne Vega har spelt fleire gonger i Bergen, mellom anna som oppvarmar på Koengen for Bob Dylan i 2011 og for Sting i fjor sommar.
