Set opp ekstra bussar til Aurora-konserten

Aurora-konserten er utseld- Det krev mykje logistikk. Skyss set opp ekstra bussar til og frå Bergen denne kvelden.

- Det vil bli 1150 publikummarar i salen denne kvelden, og så mange parkeringsplassar har vi ikkje, opplyser arrangementssjef Berit Steen. 

Oseana har difor vore i kontakt med Skyss, og det vil bli sett opp ekstra bussavgangar både før og etter konserten. 

- I tillegg til dei ordinære rutene, vil det bli to ekstra bussavgangar frå Bergen, ein kl. 19.50 og ein kl. 20.50. I tillegg går det to ekstra bussar kl. 00.10 frå Osøyro til Bergen, forklarar Steen. 

Steen oppfordrar publikum til å nytta seg av anten offentleg transport eller "apostlane sine hestar" denne kvelden.