Marius Neset til Vedholmen Galleri
Spelemann Marius Neset held minikonsert når Vedholmen Galleri laurdag opnar ny utstilling.
11 lokale kunstnarar innan foto, tekstil, keramikk og skulptur har brynt seg på tittelen «Os inspirerer» framfor laurdagens kunstutstilling. Utanom denne oppmodinga har alle kunstnarane fått fritt spelerom.
Resultatet kan du sjå i Galleri Vedholmen på Lepsøy i vekene framover.
Artikkelen held fram under annonsen.
Det er forresten fyrste gong at galleriet viser ei kollektiv salsutstilling der halvparten av kunsten er foto.
Spelemann
Opningstala står Heidi Tronsmo for. I tillegg kan du altså få med deg minikonsert med saksofonist Marius Neset. Osingen vann spelemannspris i 2014 for årets jazz-plate og er ein svært ettertrakta musikar.
Utstillinga markerer opninga av Kystsogevekene som varer frå 15. august til 27. september.
Foto:
Siv-Anne Skogen
Knut-Inge Johnsen
Bjarte Løvaas Haugland
Vidar Langeland
Erlend Haukeland
Tekstil:
Bente Haugland
Keramikk og skulptur:
Birthe Schytte
Torild Haugland
Atle Haugland
Peter Marron
Vibeke Harild
