Julelåter frå country-Skåtun
Fusingen Håvard Skåtun har i år som i fjor laga sin eigen vri på tradisjonsrike julesongar.
- Eg laga ein versjon av Winter Wonderland i fjor, og synest det var så kjekt å gjera julelåtar, at eg ville gjera det igjen i år, seier han.
Songane blei sleppt i dag fredag.
Artikkelen held fram under annonsen.
Musikkvideo til ein av låtane
I år har Skåtun teke føre seg «Run Run Rudolf» og «O Holy Night». Sistnemnde er det også laga musikkvideo til.
- Kva er det du har gjort med desse låtane for å gjera dei "dine"?
- Eg har gjort dei litt annleis for å få dei meir i mi gate. For å gjera dei country har eg blant anna brukt litt steelgitar, seier Skåtun.
Album neste år?
Country-artisten frå Fusa lagar ikkje berre coverlåtar. Han satsar på å koma med eit album med eigne låtar i 2016.
- Eg nærmar meg ferdig med låtane. Men eg er ikkje i gang med å spela inn. Det er vanskeleg å seia kva tid albumet kjem, men eg satsar i alle fall på 2016, seier han.
Her kan du sjå og høyra Skåtuns versjon av to klassiske julelåtar:Run Run Rudolf ogO Holy Night
