Fusa rockeklubb: Fellesskap, øving og utvikling
Fusa rockeklubb handlar om meir enn berre musikk.
Leiar rockeklubben, Håvard Grøndal Skåtun, fortel at klubben no har vore aktiv i vel to år. Dei har base på Vinnes og har så langt 17 medlemer, er ein frivillig organisasjon av musikarar og songarar der dei fleste spelar i andre band. Fleire av medlemene har vore ute på turné både i Europa og USA det siste året, så det er ikkje berre «husband» vi snakkar om.
- Vi møtest i rockeklubben for fellesskap, øving og utvikling, og kan reisa ut på slike oppdrag, seier Skåtun.
Artikkelen held fram under annonsen.
- Vi har også hatt felles konsertar og arrangert diskotek (rusfritt) i ungdomshuset på Vinnes.
Rockeklubben vart i si tid starta for m.a. å skaffa pengar til skikkeleg utstyr, noko som også kan leigast ut til andre arrangement.
- Draumen er at vi på sikt kan få til eit eige lydstudio, eller i det minste skaffa utstyr til innspeling av musikk, seier Skåtun.
Sjangrane i Fusa har stort sett vore prega av country og metal – no er rocken også innanfor. På dansen i Eikelandsosen denne torsdagen stilte rockeklubben med to band. Og at musikalitet ligg i genane, vil du forstå av besetningane; Her er to brør i kvart av orkestera pluss at Idar og William også er brør.
Synnøve Lien
Fusa Lions
