Politiet har fått melding om eit mogleg ran av ein yngre gut

Meldinga kom inn i 19.40-tida måndag kveld.

— Melder køyrde i retning Bergen, og blei merksam på ein gutegjeng, om lag 5—8 personar. Dei skal ha stått rundt ein yngre gut, skriv politioverbetjent Anne Lyssand.

Situasjonen skal ha funnen stad på busstoppet ved Meny Os.

Vidare skriv Lyssand at melder opplyser at det såg ut som at guten leita etter noko i lommane sine, før han tok av seg jakka.

— Melder såg ikkje meir enn dette. Politiet er interessert i opplysingar om kva som skjedde og kven som var på staden, og oppmodar vitne eller dei som var på staden om å ta kontakt, skriv Lyssand.