Bil køyrte i fjellveggen i nærleiken av Strønebrua
– Svært glatte vegar. Køyr forsiktig, er oppmodinga frå politiet.
Ifølgje Vest politidistrikt skal ein bil ha køyrt i fjellvegen langs Strønevegen klokka 16.10.
Ut frå meldinga på Twitter skal det berre ha vore éin person involvert i trafikkuhellet.
Artikkelen held fram under annonsen.
– Personen framstår uskadd. Naudetatane på veg til staden, går det fram av meldinga.
Vegtrafikksentralen skriv at det er redusert framkomelegheit på FV 5154 etter uhellet.
Også i Mauranger i Kvinnherad skal ein bil ha hamna utanfor vegen, og politiet skriv at det er svært glatte vegar fleire stader i fylket.
– Køyr forsiktig!, er oppmodinga frå Vest politidistrikt.
