Det kan bli ein lang tur frå Kilen til Lygrepollen

Tre stader på strekninga pågår det vegarbeid og manuell dirigering.

Om du i desse dagar svingar av frå Kilen i retning Baldersheim på FV48 og vidare til Tysnes på fylkesveg 549, kan det vera lurt å smørja seg med tolmod.

I vegkrysset på Kilen vil det måndag, tysdag og onsdag pågå arbeid mellom klokka 7 og 15. Arbeidet vert avslutta torsdag 8. desember klokka 15.

Det vert manuell dirigering og leiebil.

Nokre kilometer unna, i Hovdatunnelen, pågår det også vegarbeid mellom kl. 7 og 15. Arbeidet skal vera ferdig torsdag 1. desember kl. 15.

Også her er det manuell dirigering og leiebil som gjeld.

Ved Grunnasund i Lygrepollen har du kome over på FV549, men enn så lenge er du altså i Bjørnafjorden.

Også her pågår det utbetringsarbeid og du må pårekna venting og manuell dirigering. Arbeidet vert avslutta onsdag til klokka 17.30.

Det opplyser Vegtrafikksentralen.