Sjølv om 15 fartssyndarar blei tatt ved skulen, fann politiet noko positivt ved kontrollen
Fredag morgon hadde Utrykkingspolitiet (UP) kontroll ved Søfteland skule.
UP stilte seg opp klokka 9 fredag morgon, rett etter skulestart.
I laserkontrollen var det 15 sjåførar som blei tatt for å køyra for fort i 40-sona.
Artikkelen held fram under annonsen.
— Dette er ein stad kor vi ikkje ofte har kontrollar, seier politioverbetjent ved Bjørnafjorden politistasjon, Christine Grindstein og legg til:
— Det er gjerne ein stad kor det er lett for å køyra litt for fort. Det som er positivt, er at det var ingen førarkortbeslag, og ingen køyrde fortare enn 54 km/t. Det er ikkje så veldig mykje over fartsgrensa, men det er klart at det ved ein skule er spesielt viktig å halda fartsgrensa.
Resultatet gjer at politiet nok kjem til å følgja med på dette strekket.
— Vi har fleire område som er aktuelle, både stader der det er fare for ulukker, og område der det er fare for skade på mjuke trafikantar. Vi har i tillegg fleire stader der det blir meld om stygg køyring. Område kring skular vil alltid vera aktuelle. 15 forenkla førelegg er mykje, seier ho.
Stoppa mann i 40-åra
Søndag føremiddag blei ein mann i 40-åra stoppa medan han køyrde bil.
– Han var påverka av alkohol. Det er oppretta sak, seier Grindstein.
