Fersk sjåfør køyrde av vegen

Det var ei jente i slutten av tenåra som køyrde av vegen på Lysekloster torsdag kveld.

Politiet fekk melding om uhellet klokka 23.35 torsdag kveld. Ein bil hadde køyrt av vegen og ut på eit jorde i 50-sona nær Lysekloster kapell.

Det var ingen andre bilar involvert.

Føraren, ei jente i slutten av tenåra, kom uskadd frå hendinga. Ho bles til 0 i promille.

Det var materielle skader på bilen og eit gjerde på stedet.

Politiet har oppretta sak, men har ikkje teke beslag i førarkortet.

Dette er tredje utforkøyringa på to dagar i Os-området. I dei to andre sakene har politiet teke beslag i førarkortet.