Væpna politiaksjon varte i 11 timar
Store politistyrkar tok oppstilling utanfor eit bustadhus.
Like før klokka 06 melde BT at det pågjekk ein væpna politiaksjon i Os sentrum.
Politiet ynskte å koma i kontakt med ein mann i samband med ei sak dei etterforskar. Mannen skal då ha kome med trugslar.
Artikkelen held fram under annonsen.
I fylgje BT skal mannen vera åleine, og det er heller ingen grunn til å tru at han er væpna.
Politiet væpna seg grunna usikkerheit rundt korleis vedkomande ville agera når dei tok kontakt.
Dei bad også folk i området om å følgje oppfordringar frå politiet om kvar dei kunne gå og ikkje.
Eit vitne fortalde til Os & Fusaposten at det var fleire politibilar ved eit bustadhus nær rundkøyringa ved Uno X.
Ein politimann stod i ein hage med eit våpen retta mot eit hus.
