Tissetrengte og bråkete herremenn i Os sentrum
Tre menn pådrog seg politiets merksemd natt til søndag.
Klokka 01.17 vart ein 26 år gamal mann observert i sentrum der han, i fylgje politiet, «skulle eller mogleg hadde urinert».
Mannen fekk ei åtvaring av patruljen.
Artikkelen held fram under annonsen.
Klokka 4 vart ein 38 år gamal mann bortvist frå sentrum etter at han skal ha laga bråk utanfor utestaden Catten.
Han fekk pålegg om å halda seg borte frå sentrum til kl 8 søndag morgon.
Også ein 46 år gamal mann vart vist bort frå sentrum, med pålegg om å halda seg borte til klokka 12 søndag.
Her galdt same årsak som for 26-åringen, altså at han «skulle eller mogleg hadde urinert»
