Blei helten seks minutt på overtid
Osingen Vegard Leikvoll Moberg (31) kom frå benken og avgjorde for Brann borte mot Skeid.
Det stod 2-2 då Leikvoll Moberg med eit nydeleg hovudstøyt sende ballen i motsett hjørne bak Lars Kvarekvål i Skeid-buret. Borteoppgjeret såg ut til å enda i poengdeling for raudtrøyene, som to gonger tidlegare i kampen hadde teke leiinga, berre for å sjå at heimelaget svara kort tid etter.
— Fy f..., så kjekt. Det er så fortent. Ei helt ubeskriveleg kjensle, sa Brann-helten til Discovery etter kampen.
Artikkelen held fram under annonsen.
Leikvoll Moberg sa også at heimelaga skåra på to halvsjansar og at det er ekstra godt å få vinnarmålet på overtid i ein kamp der ein har stonga og stonga.
Osingen kom inn etter vel 55 minutt spelt. Han erstatta Niklas Jensen Wassberg.
Vinnarmålet kom i tillegg framfor eigne fans, og utløyste vill jubel frå dei tilreisande i borteseksjonen.
