Ny smitterekord igjen. Over dobbelt så mange smitta som veka før
Det opplyser kommunen måndag ettermiddag.
Det blei registrert 121 nye smitta (PCR-testar ved teststasjonen) i Bjørnafjorden kommune i veka som gjekk. Dette er dobbelt så mange som veka før og det høgaste talet på smitta i løpet av ei veke i kommunen vår. Det skriv kommunen på sine heimesider.
Dei smitta er:
Artikkelen held fram under annonsen.
56 barn og unge, i alderen 0 til 17 år.
65 vaksne (over 18 år).
Vaksinasjonsstatus
39 % av dei smitta er fullvaksinerte
20 % delvis vaksinerte
41 % uvaksinerte.
Her vart dei smitta
41 % er smitta i husstanden, 19 % er smitta i samband med utbrot på skular, 8 % på jobb og 8 % på fritida.
79 % har kjend smitteveg- 21 % har ukjend smitteveg.
Artikkelen held fram under annonsen.
Dette skriv kommunen om risikovurderinga etter dei nye tala: «Det er høge smittetal. Vi har auka sjukefråvær og stort press på tenestene. Smittesporingskapasiteten er under høgt press. Det same er helsehjelpkapasiteten i institusjon og til heimebuande - som eit resultat av totalsituasjonen, ikkje berre pandemien isolert sett».
– Vi følgjer utviklinga nøye saman med omegnskommunane våre, Statsforvaltaren og helseføretaka for å samordna anbefalingar og tiltak i vår felles bu- og arbeidsregion, skriv kommunen.
