Seint onsdag kveld fekk politiet melding om ein mann som ropte og skreik

Politiet rykte ut og fann ein mann ved eit område langs Hegglandsdalsvegen.

— I går i 23.30-tida blei det meld om ein mann som ropte og skreik i eit område i Hegglandsdalsvegen. Politiet kom i kontakt med mannen i 30-åra. Det blei funne litt narkotika i tilknyting til mannen, og det er oppretta sak på forholdet, fortel politioverbetjent ved Bjørnafjorden politistasjon, Christine Grindstein.

Litt tidlegare, i 22-tida, fekk politiet melding om ein båt på rek mot ferjekaien på Halhjem.

Seinare skal båten ha blitt observert like ved kaia, til hinder og fare for båttrafikk.

— Brannvesenet blei varsla og rykte ut. Dei sytte for sikring av båten, som var ein eldre, sliten snekke med raudt skrog og kvitt overbygg, fortel Grindstein.