I dag vert det tog frå Hegglandsdalen til den nye skulen på Hjelle
Det nærmar seg siste skuledag ved Hegglandsdalen barneskule. I kveld vert det markering.
Som ein del av markeringa, arrangerer skulen i kveld tog frå skulen i Hegglandsdalen til nye Borgafjell skule.
FAU håpar at så mange som mogleg i «Dalen» har lyst å stilla seg opp langs vegen og ta del i markeringa frå kl 18.30.
Artikkelen held fram under annonsen.
På grunn av koronarestriksjonane er det ikkje høve for å invitera breitt til sjølve avslutningsarrangementet på skulen, men skulen og FAU håpar at toget likevel kan verta ei fin markering.
