Null fartssyndarar på Hegglandsdalsvegen, men på Ulven blei det beslaglagt eit førarkort
UP hadde to trafikkontrollar onsdag ettermiddag.
Politioverbetjent Martin Hustrulid Nordeide opplyser i ein e-post om hendingar frå gårsdagen. Der kjem det fram at politiet fekk melding om ein mann som forsynte seg med eit par sko frå ein butikk i Os sentrum i 18-tida.
Vidare skriv Hustrulid at Utrykkingspolitiet (UP) har hatt kontroll på Hegglandsdalen og Ulvenvegen i løpet av onsdag ettermiddag/kveld. På Ulvenvegen blei det gitt to forenkla førelegg for fart. Høgaste farten var 107 km/t i 80-sona.
Artikkelen held fram under annonsen.
I tillegg blei det oppretta éi melding med førarkortbeslag på bakgrunn av aktive prikkar.
På Hegglandsdalsvegen var det ingen reaksjonar.
Brot på besøksforbod
Ein mann i 20-åra skal onsdag kveld ha vore på ei adresse som han hadde besøksforbod mot. Politiet rykte ut og fekk kontroll på mannen, og plasserte han i arresten for brot på besøksforbod.
