Har hatt stor pågang - no er den elektroniske løysinga på plass

Den elektroniske registreringa skal avlasta telefonkapasiteten.

Sjølve testinga skjer på koronalegevakta i Røde Kors-huset i Kolskogheiane. Her kan ein ikkje møta opp utan timeavtale.

Assisterande kommunedirektør Nils-Petter Borge sa i si orientering om Covid-19 onsdag at det vart arbeidd med å få plass ei elektronisk registrering når ein vil testa seg. No er løysinga på plass. Det opplyser kommunen på sine heimesider.