Juni vann konkurranse som ho ikkje visste at ho tok del i
Juni Færøy var ute i hagen onsdag då ho blei overraska med premien i Os & Fusaposten si trekning blant nye abonnentar.
I slutten av april starta ein kampanje i avisa. Nye abonnentar fekk 17 veker for 17 kroner. Det viste seg å vera eit attraktivt tilbod.
No er ein vinnar trekt. Det blei Juni Færøy.
Artikkelen held fram under annonsen.
– Eg var ikkje ein gong klar over at eg kunne vinna noko ved å bli abonnent, seier ho.
Færøy var ute i hagen med borna då ho fekk overrekt premien av fungerande marknadsleiar i Os & Fusaposten, Ann Christin Nøss. Premien var ei «festkorg» med ulike produkt frå Osøyro Kolonial med ein verdi på kring 2.000 kroner.
– No gler eg meg veldig til å sjå kva som er oppi her, seier Juni og smiler.
