Årets eldsjel i Noreg: Brit Tungeland frå Os og Bjørnafjorden kommune!
I konkurranse med fire andre store eldsjeler nådde Brit Tungeland toppen. Handballguruen frå Os Turn er Årets ildsjel 2019.
Brit Eirin Tungeland fekk æra av å gå opp på scenen og ta imot den prestisjetunge prisen under idrettsgallaen på Hamar.
70-åringen var rørt, men fatta. Ho takka og vinka heim - heim til venene i klubbhuset, alle ho har trent med og som ho har leia i opp gjennom åra.
Artikkelen held fram under annonsen.
– Spesielt vil eg takka for dei åra eg fekk trena HU-laget. Dei lærte meg enormt mykje om idrettsglede, sa Tungeland.
Takka barneborna
Vidare takka ho alle andre frivillige i Os, Bjørnafjorden kommune og elles i landet. Og ikkje minst mannen og barneborna.
– Ektemannen min Torleif som har late meg få bruka så mykje tid på handballen i Os, og barneborna Tormod, Peder og Halvor. At de tre har ville ha meg som trenar har gjort sitt til at eg har villa halda fram med handballen, sa Tungeland.
