Endra posttider på Kuventræ

Folk på Kuventræ som har stilt klokka etter postbilen, har problem etter at posten har lagt om utkøyringa.

Dei siste dagane har fleire lesarar teke kontakt om at avisa ikkje er komen i postkassa.

Avisa kjem, men han kjem nokre timar seinare enn før for dei som bur i området frå Granlia og opp til Kuventræ, i Idrettsvegen samt på sørsida av bommen i Øvre og Nedre Varåsen.

Klokkargarden

- Det stemmer at vi har lagt om postrutinane våre. Eg vil tru at posten kjem to-tre timar seinare enn han har gjort før, seier nestleiar i Posten Os, Arild Underhaug.

- Finst det andre område som vil merka noko endring?

- Kanskje vil dei som bur i stubben frå Klokkargarden og opp til Sveo få posten bittelitt seinare enn før, men ellers er det ingen endringar, seier han.