Ilter kunstdebatt

Arbeidarpartiet og Venstre var lite nøgde med at saka om å overføra 2 mill. kroner til kunstfond kom over bordet i det siste formannskapsmøtet. Lars Atle Skorpen (Ap) protesterte på at ein ikkje får noko samanlikningsgrunnlag.

- Me ser ikkje kva pengane elles kunne vore brukt til. Nyleg løyvte me 4 mill. kroner ekstra til skulane. Kanskje det skulle ha vore 6 mill. kroner, til dømes?

Rådmann Knut Terje Rekve forklarte at det var menneskeleg svikt som gjorde at saka ikkje hadde kome opp i kommunestyremøtet sist, slik planen var. Vidare forklarte han at det måtte opprettast no dersom ein skulle ha sjanse til å få kjøpt nokre av skulpturane som står i Os sentrum.

Posisjonen og TvS var usamde med Skorpen og Rykkel.

- Me har eit kommunestyrevedtak som seier at me skal ha eit kunstfond, og då synest eg ikkje det er noko rart at me som formannskap tek ansvaret for å gjennomføra vedtaket, sa Marie Bruarøy (H).

Posisjonen gjekk til slutt inn for kunstfondet mot Arbeidarpartiet og Venstre sine tre røyster.