Ungdomen strålte på scenen
Mykje talentfull ungdom fekk vist seg fram då ungdomskulen i Eikelandsosen spelte revy onsdag. Sjå sjølv i vår video.
Revyen hadde nytt og gamalt som tema, for å markera at skulen er 50 år.
Revyen varte kring halvannan time, inklusive reklamepause - med reklamevideoar som også var produserte av elevar ved skulen.
Artikkelen held fram under annonsen.
Kvelden baud på mange innslag av dans, song og revy. Det heile til stødig akkompagnement frå dei dyktige musikarane i bandet.
Det er beint fram imponerande at det finst så mange flinke ungdomar ved skulen.
Lokalavisa sin utsende lét seg imponera av innslag i alle stilartar, og koste seg slik det såg ut til at resten av publikum også gjorde.
Framsyninga vart spelt to gonger onsdag kveld. Dei som ikkje fekk det med seg då, kan få ein liten smakebit i videoen her.
