Leitaksjon i Lysefjorden

Ein gut i 20-åra vart i dag tidleg funnen nedkjølt, men i god behald etter ein kort leiteaksjon i Lysefjorden.

I dag tidleg vart det sett i gong leiteaksjon i Lysefjorden etter at ein gut i 20-åra hadde bestilt taxi to gonger. Då taxien kom til avtalt stad, fann dei han ikkje. Sjåførane vart naturleg nok urolege, og melde frå til politiet.

- Vi sette i gong ein leiteaksjon i morgontimane og fann raskt guten. Han var nedkjølt og vart frakta til Legevakta. Alt er no ok, seier vakthavande ved Os lensmannskontor.

Politiet vart tilkalla til Halhjemsmarka i 19-tida fredag kveld etter mistanke om brann i eit bustadhus. Der kunne dei raskt konstatera at røyken som kom frå taket, skuldast arbeid på huset og ikkje brann. Røyk utan eld, der altså.  

I to-tida i natt, kom det melding om at eit tre hadde ramla ned over Drangsvegen og at det ikkje var mogleg for bilar å passera. Treet hadde også rive med sg ein telefonledning. Saka vart meld vidare til Vegtrafikksentralen og treet er truleg rydda no, meiner politiet i Os.