Søndagsarbeid på Osøyro
Kommunen set ut tank med drikkevatn til bebuarar i sentrum, under innspurten av gravinga på Øyro søndag.
- I samband med prosjektet «Liv på Øyro», vil det bli anleggsarbeid i Os sentrum søndag.
Brugata, delar av Øyro og delar av Landboden vil bli stengde for all biltrafikk medan arbeidet pågår. Det vil bli lagt til rette for fotgjengarar, opplyser kommunen i ei pressemelding.
Artikkelen held fram under annonsen.
Det vert samstundes opplyst at ein må stengja vatnet medan arbeidet pågår.
- Bebuarar i området vil få varsel om vasstenging klokka 07.30 på søndag. Vi kjem til å setja ut ein vasstank med drikkevatn i nærområdet, opplyser kommunen.
Serveringsstader vil ha vasstilførsel og halda ope som vanleg.
Gatene vil bli opna så snart arbeidet er ferdig, forhåpentlegvis innan klokka 16.00.
Dette er siste innspurt i denne delen av prosjektet, og søndagsarbeidet skal føra til at alle abonnentane i området kan koplast til den nye vassleidningen.
Måndag morgon startar oppryddinga. Målet er å vera i gang med asfaltering mot slutten av neste veke.
