Roleg avslutning på dagen
Ut frå loggen til politiet i Os, gjekk torgfesten i Os sentrum fint føre seg.
– Nokre vart geleida til taxi av di dei var for fulle, men det var ingen som gjorde noko ulovleg, opplyser politibetjent Stian Sigbjørnsen.
Fredag føremiddag, i 11-tida, oppsøkte politiet i Os ein bustad i sentrum. Der vart det funne mindre mengder amfetamin og hasj, og ein mann i 30-åra vart meldt for forholdet.
Artikkelen held fram under annonsen.
Klokka 18 var patruljen på ei adresse i Strøno der det i løpet av den siste veka har vore bortteke ein del alkoholhaldig drikke.
– Vi var på staden for å sikra spor, fortel Sigbjørnsen.
Elles gjekk resten av kvelden med til å kontrollera nokre køyretøy, samt sjå til at feststemte osingar fekk ein god avslutning på dagen.
