Stor oppslutnad om UKM
Neste søndag går Ungdomens kulturmønstring av stabelen i ungdomshuset Breidablikk. 14 innslag står på sceneprogrammet.
For første gong i historia vil Os og Fusa sitt felles UKM-arrangement gå av stabelen i Fusa.
Ungdomshuset Breidablikk i Sævareid vert staden for ungdomelege talent neste søndag.
Artikkelen held fram under annonsen.
- Me opplever stor oppslutnad om arrangementet både frå fusingar og osingar. 14 ulike aktørar/grupper er melde til sceneprogrammet. I tillegg har me fått mange villige osingar og fusingar til å vera med på arrangementssida, fortel kulturleiar i Fusa kommune, Erik Vangsnes.
Aktivt ungdomsråd
Han legg til at frivillige flinke ungdomar også har meldt seg til teneste som konferansierar, medlemer i nettredaksjon og som jurymedlemer.
- Medlemene i ungdomsrådet i Fusa er sterkt delaktig i arrangementet. Dette gjer at vi denne gong har lukkast godt med å få ungdomen sjølv til å ta ansvar for gjennomføringa, seier Vangsnes.
